Azərbaycan Respublikası Mərkəzi Bankı nəzdində Azərbaycan İpoteka Fondunun internet səhifəsində vətəndaşların müraciətləri və qəbulu ilə bağlı yeni pəncərə istifadəyə verilmişdir.
Səhifədə İpoteka Fondunda vətəndaşların qəbul qaydası və qəbulla bağlı müraciət forması yerləşdirilib. Yeni bölmənin funksionallığı və çevikliyi vətəndaşların qəbulu və müraciətlərinə baxılması prosesini daha da sürətləndirəcək, fərdi və kollektiv yazılı müraciətlərə müvafiq izahat və cavabların operativ verilməsini təmin edəcəkdir.
Hörmətli borcalan!
Bildiyiniz kimi, Kredit müqaviləsinə əsasən standart aylıq ödənişlər (annuitet) hər ayın 1-5 tarixlərində icra olunur. Siz annuitet ödənişləri ödədikdən sonra cari ayın son gününə kimi aparacağınız əlavə ödənişlər artıq ödəniş kimi qəbul olunacaq. Diqqətinizə çatdırırıq ki, ödədiyiniz artıq ödəniş sizi növbəti ayın annuitet ödənişindən azad etmir.
